ابوذيات حسينية جميلة

شكثر هم احملت زينب...والي راح
همي ثكل بانفــــــاسي...والي راح
كتنلي الشال من بيتي...والي راح
اخوي وصحبته وخوته وبنيه



بدموع العين حتى الراس...حنيت
ومثل حن الفصيل اعليك...حنيت
راسي والظهــــر مولاي...حنيت
واعزي فاطمه بهاي المسيه

نار مشعلله كلــــبي...ويومك
تمنيت العزه ليـــــه...ويومك
نشف بحر الكرم كله...ويومك
جود ومكرمه وتحن عليه

عفه زينب كلبه شحمل...لوعات
كضته بين حسره والم...لوعات
حكم ظلام حكم الدعي...لوعات
فجور وزندقه كل ال اميه


منو مثلج حمـــــل اهات ...والوان
وشفتي من العذاب اشكال...والوان
كظيتيهه سهر واســــفار...والوان
لعد مجلس يزيد ابن الدعيه




بجت زينب وحيل اصفكت...راحات
وعليه الدنيه دارت دور ...راحات
ايام الجانت وي احسين...راحات
ولفاهه الحزن كل صبح ومسيه